კინოს ისტორიაში ერთ-ერთი ყველაზე მნიშვნელოვანი რეჟისორის, ანდრეი ტარკოვსკის ფილმები მსოფლიო კინემატოგრაფის შედევრებადაა აღიარებული. რეჟისორმა რვა კინოსურათი შექმნა, რომლებიც მისი შემოქმედებისადმი ინტერესს დღემდე აღვივებს. ფილმში თავის ცხოვრებასა და შემოქმედებაზე, ხელოვნებასთან მის დამოკიდებულებაზე, მოგონებებზე თავად რეჟისორი გვიამბობს.
უაღრესად იშვიათი აუდიოჩანაწერები განსაკუთრებულ ატმოსფეროში მიგვიძღვის, რომლის მეშვეობითაც მაყურებელი რეჟისორის მისტიურ სამყაროში მოგზაურობს. ფილმი შესაძლებლობას აძლევს მაყურებლებს, რომ დიდი რეჟისორის ცხოვრება და შინაგანი სამყარო სხვა პერსპექტივიდან შეიცნოს. ფილმში პირველად ისმის არსენი ტარკოვსკის, მე-20 საუკუნის რუსი მწერლისა და რეჟისორის მამის ლექსები, რომელთაც პოეტი თავად კითხულობს.
არსენის პოეზიას ოდითგანვე დიდი გავლენა ჰქონდა ანდრეის ფილმებზე, რაც მამისა და შვილის ძლიერ სულიერ კავშირს მოწმობს. ფილმი ეფუძნება ნაწყვეტებს ტარკოვსკის ფილმებიდან, იშვიათ ფოტოებსა და ვიდეომასალას, რაც გადაღებულია რეჟისორის სახლში, რუსეთში, შვედეთსა და იტალიაში...
